O PP vai avisando da segunda onda de fusións das caixas.

Está claro que ao longo prazo o PP ten deseñada unha estratexia para que as caixas galegas xa fusionadas rematen privatizadas no conglomerado liderado por Rodrigo Rato ao fronte de Caja Madrid.
Hoxe leemos na web El Economista:

Montoro ve un "erro" dar por pechada a reestruturación das caixas.

O portavoz económico do PP, Cristóbal Montoro, advertiu hoxe que é un "erro" dar por concluída a reestruturación das caixas de aforros e augurou que se verán novos cambios no mapa bancario español.

Durante a súa participación nunha conferencia, Montoro sinalou que o sector financeiro non pode saír "aínda demasiado rapido" ao mercado pola situación de acceso ao financiamento internacional de España.

"O proceso non terminou nin moito menos", incidiu o dirixente popular, para quen o cambio do marco xurídico que supón a reforma da Lei de Caixas foi adecuada para avalar estes procesos. Así mesmo, celebrou a actitude dos dirixentes das caixas de aforros que están liderando os procesos.