2010-09-14

Basel III

Os xefes dos bancos centrais e as autoridades reguladoras de 27 países acordaron na rolda Basel III endurecer as normas de solvencia bancaria co fin de mellorar a solidez do sistema financeiro, según anunciou o vicepresidente do Bundesbank, Franz-Christoph Zeitler.
A novas regras, que esixen da banca gardar máis capital para facer fronte a turbulencias como as da recente crise financeira, deberán ser discutidas e aprobadas durante o próximo cume de xefes de Estado e Goberno do G20 que se celebrará na capital de Corea do Sur o próximo mes de novembro.

O acordo sobre o paquete de normas, bautizado como Basel III, alcanzouse durante unha reunión celebrada nesa cidade suíza que estivo encabezada polo presid
ente do Banco Central Europeo (BCE), o francés Jean Claude Trichet.

Segundo o máximo responsable do BCE, o acordo é un "reforzo fundame
ntal dos estándares globais de capital". "A contribución destas medidas á estabilidade financeira a longo prazo e o crecemento será substancial", declarou Trichet nun comunicado emitido tras a reunión.

O punto principal do acordo obriga aos bancos a manter un "Tier 1" ou "Nivel 1" (un cociente que mide a fortaleza das entidades financeiras baseándose no seu capital básico: accións ordinarias e beneficios non distribuídas) do 6 por cento, fronte ao 4 por cento actual.
No entanto, este incremento será gradual, tal e como solicitaran as entidades financeiras, e non se terminará de implementar ata 2018, do mesmo xeito que outras medidas adoptadas hoxe.

A este respecto, Trichet sinalou que "os
acordos de transición permitirán aos bancos alcanzar estes novos estándares á vez que fomentan a recuperación económica".

Ademais, o paquete de medidas de Basilea II
I insta aos bancos a manter un mínimo de accións ordinarias e reservas do 4,5 por cento, fronte ao 2 por cento anterior, ao que haberá que sumar outro 2,5 por cento de "amortiguación" durante os períodos de bonanza económica que sirva de elemento contra cíclico en momentos de crises ou recesión económica.

Así, o cociente de solvencia básica (common equity) que deberán manter as entidades financeiras ascenderá ao 7 por cento.

Esta decisión reforza a nova definición de capital acordada polos gobernadores de bancos centrais e autoridades monetarias o pasado xullo.

Sem comentários: